Obediensia ta garantisá Seguridat
Praktika di fe i obediensia na bos di Dios no tin nada
di haber ku religión, pero si ku rason, estudio. Kemen: uso di inteligencia.
Ken no ta desea prosperidat, salu, vida sentimental i famia bendishona?
Pero, mas ku tur kos, ser humano ta buska seguridat.
P’esei nashonnan i hendenan ta gasta miones pa risibi seguridat. Por ehempel: na aeropuerto, na porta, na stashon di trein, edifisio,
outo, kas; tin aparatonan di seguridat di tur tipo. Pero e konsekuensia di
obediensia na Palabra di Dios ta loke ta garantisa e berdadero seguridat.
“Kumpli ku mi leinan i soru biba segun mi
mandamentunan. E ora ei boso lo biba trankil den e pais ei. E tera lo produsi
kosechanan bastante abundante pa boso haña kome i biba trankil einan.” Lv. 25:18-19
E seguridat ku Dios a priminti no ta solamente riba e
mundu aki, pues tempran of lat, nos tur lo muri. Riba tur kos, e seguridat aki
ta referente e seguridat di bida eterno. Esaki ta e seguridat di mas grandi ku
un hende por tin. Esaki ta posibel solamente ora e nase di Dios, i pa e nase di
Dios e mester bandona e mal kaminda, pone na praktika e siñansanan di Kreador.
Ademas di esei, e konsekuensia di obediensia ta garantisa un kosecha abundante
pa es ku sembra.
“Podise boso lo puntra boso mes: Nos lo tin basta di
kome, si kada shete aña nos no mag sembra nos kunukunan no kosecha loke nan
produsi? Ta asina ku Ami, Señor, lo bendishona tera di tal manera den e di seis
aña ku lo e produsi pa tres aña.” Lv 25:20-21
Bo ke ta sigur, proteha i tin un aña di abundansia?
Obedese bos
di Dios.
