Teksto
Sagrado ta afirmá ku ora Hesus a baha for di boto na Kapernaum, siudat di
Pedro, e promé milager ku a realisá na e lugá ei tabata liberashon di un hòmber
poseí. E hòmber aki a ser liber pa medio di e Palabra. Tur hende a keda asombrá
i nan tabata bisa: “Kua palabra esaki ta?” Su fama a kore rònt e lugá. Sigur El
a yega serka Pedro tambe. Ora Hesus a sali for di ei, El a bai na kas di Simon
Pedro. I ku e mesun Palabra El a kura e suegra di Pedro.
Na e siudat ei hopi hende a ser kurá i liber, ku poder
di Palabra. Na regreso di un mal anochi di peska, Hesus a bis’é:"Bai kaminda tin awa hundu i
tira boso redanan pa boso kohe piská.” Lukas 5:4
E echo ku e mester a bolbe bai laman hundu despues di
henter un anochi ku el a keda sin drumi, lo tabata un sakrifisio mashá grandi.
Na e momentu ei, e bos di fe natural a duna Pedro rason i motibu pa no bolbe
bai laman hundu i hasi loke el a hasi kaba, i ku no a resultá.
Fe Natural tabata bisa ku e momentu pa piska tabata
anochi i no di dia.
Fe Natural tabata mustra e eksperiensia di Pedro durante tantu aña di peska (Pues Pedro tabata sa muchu mas ku kualke otro hende).
Fe Natural tabata mustra e eksperiensia di Pedro durante tantu aña di peska (Pues Pedro tabata sa muchu mas ku kualke otro hende).
Natural tabata mustra ku un karpinté, profeshon di
“Hesus hòmber”, lo no por siña un piskadó piska.
Obedesiendo e bos di fe natural, Pedro ta bisa Hesus: “Maestro, nos a traha duru henter
anochi i no a kohe nada,…” Lukas 5:5
Pero na e momentu ei, Fe Mas ku Natural a pone Pedro
pensa. Ku e Palabra ei e hòmber yen di demoño a ser liber. E mesun Palabra ei a
kura su suegra. Ku e Palabra hopi hende malu a kura i
esnan presu a ser liber.
E ora ei Pedro a bira lomba pa e bos di e fe natural i
el a kompletá: “..ma riba Bo palabra (ku a liberá e hòmber yen di demoño i ku a kura mi
suegra), lo mi tira e redanan”. Lukas 5:5
Pedro a bolbe hasi meskos ku el a hasi ku su kapasidat
i ku no a resultá. Pero e biaha aki, e nètnan a bin yen, te ku kasi nan a
kibra.
“Ma ora Simon Pedro a mira esei, el
a tira su kurpa abou na pia di Jesus, bisando: “Bai for di mi, pasobra mi ta un
hende pekaminoso, O Señor!” Lukas 5:8
Pedro a keda perpleho ya ku e tabata konosé hopi
tokante piskamentu, i nunka el a mira un hende saka tantu piská asina, ni maske
kon bon e anochi tabata.
Fe
Mas ku Natural ta deseá na sorprendé nos, i e ta sorprendé esnan ku ta obeses’é.
Ku ta obedesé Su Palabra.
Pues es ku ta biba pa Fe Mas ku Natural ta kere den loke ta imposibel i ta mira loke
ta invisibel.
Dios bendishonabo, Obispu João Leite.!
