Informashon General di Iglesia
Den kiko nos ta kere
Iglesia ta
afirmá ku e siñansanan aki ta e base di nos fe:
1. Tin un Dios so, ku ta bibu,
berdadero i eterno, ku sabiduría i poder infinito. E Kreador i protektor di tur
kos visibel i invisibel, kende su divinidat, mahestat, poder i misterio ta
eksistí den e union di tres persona eterno, di mesun santidat, poder i
mahestat. Esakinan ta: Tata, Yu i Spiritu Santu.
2. Dios Tata, e promé ku a revelá su
mes na hende, for di tempu di Adam te nasementu di Señor Hesukristu, kende a
duna Lei i e Mandamentunan.
3. E Yu, Señor Hesukristu, e di dos
persona den e Trinidat ku a revelá su mes na hende ora el a bin riba e mundu
aki den forma humano, nasí di e Birgen Maria, pa obra i grasia di Spiritu
Santu. Den Dje, e verbo transformá den karni, tabata habitá dos naturalesa:
esun Divino i esun humano, pa ser konosí komo e Dios berdadero i tambe komo e
Yu di Homber. El a sufri, El a ser krusifiká, El a muri i resusitá e di tres
dia. Pa asina, pa medio di Su morto, despues di paga e preis pa nos pikánan,
rekonsiliá nos ku Dios Tata i garantisá nos e salbashon di nos alma i
liberashon di nos sufrimentunan.
4. E manifestashon di e di tres
persona di e Santísima Trinidat, Spiritu Santu, tin lugá den e kurason humano,
konvensiéndo nos di nos piká, di hustisia i di e huisio. E akshon do konvensé
nos di piká ta inmediato i e ta guia nos na arepentimentu sinsero di nos
pikánan.
5. Beibel, palabra di Dios, a ser
skirbí pa hendenan divinamente inspirá, i sin duda e ta e parameter ku ta evaluá
tur kondukta i opinion: “Henter Skritura ta inspirá pa Diosi ta útil pa
duna siñansa, refutá, koregí i pa instruí kon biba un bida rekto, di manera ku
e hende ku ta sirbi Dios, por ta kualifiká i bon prepará pa hasi tur sorto di
bon obra.”2 Timoteo 3:16,17)
6. E hustifikashon ta bini solamente
pa medio di fe den Señor Hesukristu, manera ta skirbí: “Mi hende hustu lo
keda na bida pa medio di fe. Pero si e no perseverá e no por agradá Mi mas.”(Hebreos
10: 38) Bon obra no ta sufisiente riba su mes pa alkansá salbashon.
7. Boutismo ku Spiritu Santu ta un
akto di grasia. E ta un eksperensha atkirí pa medio di fe, dor di esnan ku ta
buska purifikashon i santidat. Esun ku ta realisá e Boutismo ku Spiritu Santu
ta e propio Señor Hesus, i e ta ser revelá na momentu ku e persona pasa na tin
e karakter di Dios. Ademas e ta risibí e don di papia den idiomanan straño.
8. Boutismo den awa ta pa medio di
imershon, den nòmber di Tata, di Yu i di Spiritu Santu. E no ta un medio
eksklusivo pa salbashon, pero e ta forma parti di dje. E ta e rekonosementu
públiko di fe, e morto di e kurpa di piká òf naturalesa pekaminoso, pa biba den
novedat di bida. E berdadero boutismo tin komo fruta den bida di e hende, un
kambio real, rechaso di mal hábito, di egoismo i di un bida di piká. Si no tin
e rechaso pa esakinan, no tabata boutismo, sino un simpel seremonio religioso.
9. Dios ta sigui duna Su donnan
awendia, pa hasi nos apto pa hasi obra di Spiritu Santu. E don di profesía,
asina malinterpretá i pa kual hopi hende kreyente sinsero a ser gañá, mester ta
basá riba Palabra di Dios, Beibel Santu.
10. Santa Sena ta e sermonia mas
importante di kristianismo. E partimentu di pan i djus di druif ta representá e
entrega di e kurpa i sanger di Kristu pa pordon di piká. Pa medio di Santa Sena
iglesia ta fortalesé di forma físiko i spiritual. Ta selebrá morto di Señor te
dia ku E bini. E ta sirbi pa nos renobá nos pakto ku Dios pa medio di sanger di
Señor Hesukristu.
11. Désimo i ofrenda ta sagrado i
santu manera Palabra di Dios ta bisa. E désimo ta representá fidelidat i
ofrenda ta representá amor di e sirbidó pa su Señor. E désimo- i ofrendanan ta
inseparabel, nan ta representá e sanger di esnan ku a ser salbá pa alkansá
esnan ku mester di salbashon.
12. E iglesia visibel di Señor Hesus
ta tur e kristiannan fiel, uní pa fe i den komunion di Evangelio, ku ta warda e
mandamentunan di Dios. E ta dirigí pa Spiritu Santu, pa Su Palabra i den Su nòmber.
13. Señor Hesus a duna outoridat
spiritual na su siguidónan, no pa kura hende malu i ekspulsá demoño so, sino
mas ku tur kos pa hiba Su palabra ku manifestashon di e poder di Su Spiritu na
henter mundu i hasi disipel.
14. Tur kristian tin derechi riba un
bida abundante, di akuerdo ku e Palabranan di Señor Hesus: “...Ami a bini
pa duna bida, bida na abundansha.” (Huan 10:10)
15. Tur kristian mester deseá e
regreso di Señor Hesus. E lo bolbe komo hende i di un manera inesperá, tur
kristian lo risibié den nubia, manera ta skirbí den Mateo 24:30 i Revelashon
1:17
16. E ophetivo final di un relashon
permanente ku Señor Hesus ta fe i bida, pimintí den e Skrituranan na esnan ku
permanesé te na final: “” (Revelashon 21:8)
Historia di Iglesia Universal di Reino di Dios
Iglesia
Universal di Reino di Dios (IURD) a ser fundá den 1977 na Brasil i su origen ta
un programa di evangelisashon eksitoso ku obispu Robert McAlister a hasi, un
misionero kanades den tradishon pentekostal.
Edir
Macedo – fundadó di IURD – tabata un di e promé conversònan. Ku bendishon di
obispu McAlister, el a kuminsá organisá e servisionan den un refigio chikí,
parke na Rio de Janeiro. Su pashon tabata pa e tin un kontakto ku e hendenan
den nesesidat, ku tabata semper esnan menos previligiá. Komo ku e sirbishinan
di Pastor Macedo a krese den popularidat, el a usa teatronan i espasionan lokal
pa e kongregashon ku a krese, i asina el a atraé hendenan ku tabata kana riba
kaya. Poko despues, IURD a inougurá ofisialmente su promé iglesia na un funèraria.
A habri mas iglesia i el a ekspandí na nivel nashonal di Brasil. Awendia tin
aproksimadamente 8.000 IURD na Brasil, e prinsipal na Rio de Janeiro,
risibiendo mas o menos 12.000 hende pareu.
Despues
di un bishita di rekonosementu na Estadonan Uní, IURD a ser fundá na New York
den 1986. Awendia tin iglesia na Brooklyn, Manhattan, Los Angeles, i hopi siudat
merikano mas. IURD a kuminsá su presensia na Canada, Meksiko, Argentina,
Paraguay, Venezuela, Colombia, Bolivia, Guatemala i Ekuador. Tin iglesia na
Jamaica, Aruba, Kòrsou, Saint Maarten, St Lucia, Trinidat i Guyana tambe. Na
Oropa IURD a stablesé na Inglatera, Portugal, Spaña, Fransia, Hulanda, Belgika,
Luxemburgo, Italia, Suisa i Polonia. Despues di e kaída di e Muraya di Berlin,
IURD a habria porta na Alemania i e fin di komunismo a pèrmití apertura di
iglesia na Rusia i Rumania. E promé iglesia na Afrika a habri su portanan den
Angola den 1992. Awor e ta aktivo na Sur Afrika, Mozambique, Cabo Verde, Kenya,
lesotho, Costa de Marfil, Malawi, Uganda i hopi otro pais. Na Asia, IURD a
stablesé na India, Filipina i Japan, kaminda iglesia a kuminsá promé biaha
durante 24 ora.
IURD ta aktualmente na mas di 200 pais i e ta sigui krese.
IURD ta aktualmente na mas di 200 pais i e ta sigui krese.
Aki na
Boneiru iglesia a stablesé na 25 di yanüari 2012, debidamente regsitrá na
Kámara di Komersio den tur lei di pais, i e ta ubiká na Kaya Industria Pariba #32. Bo ta bon biní ku bo famia, bo religion no ta importá. Nos ta warda bo.
